標梅利獲終身成就獎影后法蘭絲發癲搶鏡

《捉鬼敢死隊》（Ghostbusters）荷里活著名諧星標梅利（Bill Murray）昨日於14屆羅馬電影節獲頒終身成就獎，而與他多次合作的導演韋斯安德遜（Wes Anderson）以及兩屆奧斯卡金像影后法蘭絲麥杜文（Frances McDormand）都有出席。

據知在頒獎禮前標叔原本出席記者會，但他因為「瞓過龍」而甩底，到了晚上頒獎禮及座談會時才有現身。老友得獎，法蘭絲全程high爆！除了在紅地氈上合照時整蠱標叔之外，上台時更索性要導演韋斯拉上台，交談時更坐住標叔大髀。認真玩嘢！法蘭絲大讚標叔有情有義，但就爆有次被他摔倒導致肋骨斷裂。她說：「佢唔係有意嘅，佢只係想放低我。但佢絕對唔會令我失望！」