做渣男呃感情！顧定軒竟然話好開心

藝人顧定軒出席活動，透露剛拍完電影，在電影中飾演「渣男」，甚有挑戰性：「係講我欺騙人哋感情。（咁現實中你係咪咁？）當然我係畀人欺騙嗰個啦，好開心演戲可以做平時做唔到嘅嘢。」

再同鄧麗欣合作

佢又透露即將同鄧麗欣拍攝新劇《男排女將》，仲話好開心事隔幾年再度合作，問到有冇同鄧麗欣切磋球技？他說：「暫時未有機會，但我有朋友曾經入過佢個排球隊，話佢真係好嚴格。」問到佢打排球叻唔叻？顧定軒笑言：「其實我都放低咗呢個夢想好耐，我覺得係緣分，因為以前中學冇男子排球隊，係我一手一腳去組織，我都覺得好感動，但之後有啲同學因為成績唔好，所以就搞唔成，最後都有少少失望，但我畢咗業之後學校就成立男子排球隊。（叫學校請你返去做顧問？）希望可以，畀大家知道我為排球隊出過一分力。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。