溫碧霞恨拎金像影后 關智斌重返香港影壇

2019年10月21日 17:24
東網電視
更多新聞短片
溫碧霞同關智斌合作。
由溫碧霞(Irene)與關智斌(Kenny)主演的英皇電影《墮落花》,率先入圍今屆香港亞洲電影節「隆重呈獻」環節,兩人相信電影會帶給觀眾很大驚喜。Irene自言一直有個電影夢,今次遇上好劇本大感興奮莫名:「當我睇到《墮落花》劇本,就即刻愛上,個角色不時出現幻覺,對演員嚟講好吸引,演繹難度相當高;拍攝以來,無論攝影、美術、視覺效果、演員等等,全部都好完美,我對試片好滿意,好期待觀眾嘅反應!」問她會否會期待憑此角色獲獎?她嫣然一笑:「我話冇,你信唔信呀?金像影后一直係我嘅夢想,由15歲開始做戲,我已經憑《靚妹仔》同《俏皮女學生》入圍金像獎最佳新人獎,令我由細訂立目標,希望成為一個出色演員;今次,我盡自己最大努力演好《墮落花》,最重要係大家鍾意呢齣戲,咁獎項無疑係最極夢想,我會抱住隨緣心態,如果上天賜畀我,我會欣然接受。」
至於Kenny對於電影入圍今屆香港亞洲電影節,他直言猶如打了一支強心針,深受鼓舞:「收到消息,第一個反應係好感恩,我已經有8、9年冇拍過香港電影,再用廣東話去拍,依家電影可以入圍影展,確實非常榮幸,對我未來朝向電影發展嘅道路,鋪咗一張紅地氈。」重返香港影壇,他慶幸遇上認真而出色的製作團隊:「這次參演嘅最大意義,係發現香港有好多好有才華嘅新導演,阿斌(導演李卓斌)雖然資歷比較新,但充滿幹勁,無論喺拍攝現場,或者睇佢剪片、講起劇本,都可以感受到呢份熱情。」
Kenny又預告戲中有驚喜,會打破大家對Irene及他的既定認知:「Irene一直給外間好靚、好有味道,甚至仲停留喺海潮時代嘅印象,但今次合作,我見到一個全新嘅Irene,將我帶入比較黑暗、沉鬱嘅角色,所以大家入場前要有心理準備,戲套唔係Irene一貫嘅愛情電影,或者我拍慣嘅校園片,係一次重大改變。」他又自爆戲中有不少親熱場面:「我相信如果有提問環節,大家會對戲中嘅親熱場面最感興趣,坦白講,套戲嘅親熱場面幾多,對我係一個突破。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。