嚴崇天被車銀優電暈:點解咁靚仔!

20191023
東網電視
更多新聞短片
嚴崇天畀被銀優電暈。
前有線主播嚴崇天(Douglas),日前為韓國男團ASTRO成員車銀優的粉絲見面會擔任主持,佢大讚對方啲Fans既熱情、又投入︰「好有互動,譬如我喺台上面唱咗幾句佢哋啲歌,佢哋會好開心,然後我唱唔到落去,佢哋又會笑我。」講到對車銀優嘅第一印象,Douglas笑話就連佢都被電到暈晒大浪︰「點解有男人可以咁靚仔!啲皮膚又白又滑,佢基本上係冇缺點,又靚仔、又高,讀書、運動都好叻,當晚佢有表演射籃球同做掌上壓,性格又好好,勁Nice咁同我講『辛苦晒』、『你做得好好』,仲係要鞠躬咁講。」
Douglas話當晚完成工作後更收到特別驚喜,令佢受寵若驚,大叫好感動︰「即刻收到Do姐(鄭裕玲)嘅助手嘉蘭Message,就話Do姐讚我做得好好,好識搞氣氛,佢仲係專登問我個Friend拎我電話再搵我。喺之後嗰日,瑪姬同我講佢搭緊車嗰陣聽Do姐主持嘅電台節目,聽到Do姐再讚我,我真係好好好開心,做MC、主持都係想有人讚、鼓勵,係一份滿足感,我自己只係Small Potato,希望之後愈嚟愈好﹗(希望之後同Do姐合作?)諗都唔敢諗﹗完全係觸不可及,如果Do姐搵我做任何嘢,我乜都願意,貼錢我都制呀!」
講到工作動向,佢話繼續幫緊TVB J2拍《眼睛去旅行》︰「介紹韓國好去處,最近又同Aka去韓國拍咗啲片,遲啲都會喺TVB播。另外,自己間公司喺香港、內地都有生意,一間係教人演講、客戶溝通技巧,另外一間係主要以內地業務為主,都係搞活動。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。