參選港姐入行　陳華鑫宣布離巢湊女

港姐出身嘅陳華鑫（Gloria）去年底誕下愛女後，有女萬事足，專心照顧家庭為重。2012年參選港姐而入行嘅Gloria，今日喺網上宣布離巢，展開人生另一頁，相夫教子，並感謝公司7年嚟畀佢嘅一切：「原諒我靜俏俏（悄悄）的離開，只是換了另一個方式見大家而已，感謝公司七年來給我的一切。令我學習很多人和事，學懂包容，磨練我的堅持，訓練我的耐性，提升我的速記。更認識到一大班好夥伴，知己良朋。現在，展開人生另一頁。相夫教子。願祝親愛的您們繼續在演藝業發光發熱，我們在外相見吧。」其實Gloria自入行嚟拍過多部劇集，包括《十二傳說》、《宮心計2深宮計》、《是咁的，法官閣下》等，當中喺《性在有情》演陳敏之嘅妹妹一角「林靜思」而令人關注。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。