【註冊夠方便】JW飛拉斯維加斯賀30歲

2019年10月27日 11:46
東網電視
更多新聞短片
咁就等你晒多啲靚相喇。
歌手JW(王灝兒)今晨以活動大使身份出席慈善百萬行活動,日前從布吉回港的她,講到她於IG激罕晒泳衣照,JW大笑話:「啲相影得好有技巧!係乜都睇唔到,正面影得好遠,影背又露得少。(驚過唔到男友關?)係我自己都唔想,唔使話要過佢嗰關。(有私下珍藏啲性感相?)冇,專登同攝影師夾啲角度,佢好用心咁幫每個朋友都諗定主題。」JW表示下年30歲生日想去拉斯維加斯大搞Party:「成日睇戲覺得嗰度好開心,自己又未去過。(當地註冊好方便。)係啲人飲醉先會啫!想同成班朋友去,碰吓運氣。」
提到她獻出處女演出,客串無綫劇集《逆天奇案》,JW透露於劇中飾演楊明的前度,主要以喊戲為主,令她不禁大叫好難:「拍喊戲會好緊張,個時間要拿捏得好準,第一次入劇組冇乜經驗,話放飯就真係走咗去食Lunch,但其實要用時間培養情緒,之後仲要拍一日,就會唔食飯,自閉咁坐埋一邊。」又大讚楊明好犀利:「通常拍喊戲會拍十幾個Take,佢係保持到每一Take都有眼淚,而佢就係冇食飯培養情緒,之前仲好擔心點解佢唔同我傾偈。(拍戲拍上癮?)會呀,覺得好好玩,再睇吓之後有冇機會再拍。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。