48歲生日派對　馬浚偉開心見到李明蔚

前日（26日）48歲生日的馬浚偉雖然忙於演唱會演出，不過仍偷得浮生半日閒，獨自「出遊」到商場歎午餐慶生，身體力行支持小店經營。談到生日願望，他說：「好想市面快啲回復平靜，繼續以前香港嘅互助互愛，大家都平安、健康、喜樂。」

完成前晚演出後，他將小休兩日再踏台板，而前晚完場後，台前幕後為他舉行了小型生日派對，令馬浚偉非常感動，且謂：「我好乖，因為要養聲，所以冇食熱氣嘢，主要都係飲湯同食少少食肉啫。好開心李明蔚（Sarena）都有出席，佢放喺我演唱會門外賣嘅手作反應好好，希望大家繼續支持佢啦。」而演唱會後台放滿好友送來的花籃，馬浚偉已打算好好處理，留給Sarena做乾花手作。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。