施伯雄呢？吳千語26歲生日攬Kenny補數

藝人吳千語早前被東網踢爆與前全國政協及地產商施子清的長孫「富三代」施伯雄翻撻，二人為保愛苗一直低調，雖然最後都係因同晒魚蛋粉相而洩蜜，27日剛剛26歲生日嘅吳千語，喺社交網大晒多場慶生飯局，合照中施伯雄繼續冇影，吳千語更選擇攬攬好友關智斌（Kenny）兼影「情侶」合照補數。

見佢上載咗至少3場慶生照，其中一場飯局就有Kenny、蔡卓妍（阿Sa）同馬天佑等，枱上仲有4大個生日蛋糕，睇嚟佢哋真係好錫千語BB，之後影合照時，佢同Kenny仲即興大影「高級情侶」甫士，左Chok右Chok兼攬到實！而吳千語同全女班慶生時，佢更以低胸吊帶裙上陣，同同Kenny佢哋食飯時件樽領衫差天共地，果然同女仔Friend係唔同啲啵。

問到生日願望，千語感恩自入行後，幾乎每年生日都喺工作中度過：「可以開工過生日感覺好充實，而成日聽人講25歲是女性另一新階段，回望過去一年，真的自覺成熟了長大了，可能是閱歷多咗，令自己性格、脾氣都改變咗，新一年最希望不論是工作或自己會繼續進步。」上海工作過後，千語亦趁機和朋友在當地狂食大閘蟹，更前前後後切了十多個蛋糕，令千語很感恩身邊有很多愛錫自己的朋友、家人、同事等等。千語形容2019年是豐收年，早前與黃宗澤、吳卓羲、關智斌合作拍攝網劇，令千語有了多第一次：「第一次拍網劇、第一次拍警匪題材，第一次開真槍，過程好好玩學咗好多，而同黃宗澤、吳卓羲、關智斌雖然是第一次合作，但彼此間的默契好好，配合度很強！」隨後千語亦參與了一部賀歲片，並將投入另一套港產電影的拍攝工作。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。