好邪門!陳慧敏遊陵墓講錯嘢拗柴要坐輪椅

2019年10月30日 06:30
東網電視
更多新聞短片
咁啱啫!
歌手陳慧敏近日飛到印度嚟個唱遊之旅,期間有時間周圍參觀吓,其中喺胡馬雍陵墓誤踩坑洞,拗柴痛到唔郁得,最後要坐輪椅情況好嚴重,陳慧敏推測係同佢喺陵墓門口亂講嘢有關:「之前參觀咗唔少陵墓,去到胡馬雍陵墓時喺門口就話:『又係睇陵墓呀!』之後冇耐就差錯腳。」佢仲留言話:「人在異地拐到,還要是在印度…誰能來照顧我呢…?心確實很徬徨。最怕不是腳傷的痛,而是行動不便這回事…實在太麻煩了唉!」
之後陳慧敏再甫出隻腳包紮咗嘅相:「漫遊印度的豬蹄已長成十天,由於沒有停止行走,又在排燈節(屠妖節)時忍不住跳舞,腳痛傷勢有點反反覆覆的....但昨天終於決心買了繃帶包紮(其實我沒試過包繃帶…隨便包一吓)但瘀血有在退散了,感覺良好。」唔少網民都叫佢要小心啲,仲話見到之前佢隻腳腫到一大舊,一腳瘀血又紫又紅,都祝佢快啲康復!
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。