三星期唔捱餓減十磅！陳佩思話你知點做到

藝人陳佩思（Pancy）早前拍攝杜琪峯新片，喺片中飾演一個MMA比賽嘅舉牌女郎，由於服裝較為少布，故Pancy要喺短時間內減肥，最終成功減去十磅！佢仲大方分享係點減磅：「喺三個星期前先收到劇本，所以我第一時間想盡力減肥，減肥又好，減水又好，減脂又好，因為我都係一個易肥易瘦嘅人，所以我戒澱粉質就已經好快落磅。頭一個星期我減澱粉質，之後我進入零澱粉質狀態同埋零糖狀態，但我又冇肚餓嘅。如果真係肚餓，會食肉同埋蛋，基本上係唔可以食生果，因為有糖粉，但因為我驚血糖低，所以只限喺朝早食。」

Pancy話雖然電影已經拍攝完畢，但仍然繼續Keep住呢個減肥法：「但依家只係朝早先會咁樣食，依家對營養同健身仲好有研究添。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。