繼續拍《愛．回家》！陳偉琪獲「龍家」打氣

在《愛．回家之開心速遞》中飾演「細龍太」的陳偉琪（Vicky），早前涉嫌醉駕被拘捕，今日Vicky繼續為劇集開工，一班「龍家」演員與她合照打氣，其中羅樂林攬實她說：「經一事長一智，呢個女會乖。」為她講好說話。

講到現時心情，Vicky說：「因為都復咗工，都要平復自己心情，做番一個演員要做嘅嘢，今次都影響咗好多人，唔好意思，啲同事好好，尤其龍家家人，佢哋好幫我，我感謝珍姐（高層曾勵珍）同監製。（會唔會被刪減戲份？）等公司安排，暫時未收到通知。」她稱稍後要就案件上庭，但日期未定。現時她未有再駕車，出入要靠父母接載，她說：「要麻煩佢哋車我。（之前影到滕麗名車你？）係好多謝佢，佢好好，當日許家傑都話返嚟車我。（識番個男友做柴可夫？）冇，遲啲先算。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。