陳山聰婚宴 伍詠薇:會逼佢斟杯茶畀我

2019年11月01日 19:52
東網電視
更多新聞短片
伍詠薇同老公賀陳山聰結婚。
藝人陳山聰舉行婚宴,身為契家姐的伍詠薇(伍姑娘)當然人到禮到,她一早出門扮靚靚,晚上與老公練海棠恩愛到賀,問山聰可有斟茶給她?伍姑娘說:「我都想,但我只係契家姐,今朝扮靚有睇直播,見佢斟茶畀屋企人都喊,但我都會逼佢斟杯茶畀我飲,唔使喺好多人面前,閂埋房門就得,其實我哋呢對患難姊弟都好唔容易,見佢成家立室都開心,希望佢快啲生BB,我今日心情開心過佢,好甜。」
問到與新娘子是否熟落?伍姑娘坦言當年與山聰拗完交才認識對方,更指Apple如自己於電影《97家有囍事》內的角色名「賢淑」般:「見過幾次,靚女又斯文大方,係個好老婆,相信佢兩個相處都改變對方好多,以前同山聰拗過交,再次見番覺得佢成熟同淡定咗好多,感覺到係識Apple後先咁,希望佢兩個喺最靚時間生B,等我可以升呢,無論升呢做姑婆或者大姑奶都冇所謂。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。