張建聲扮萬梓良嗌So what：練咗好多次

網劇《性敢中環》第一季反應熱烈，第二季繼續引來Netflix青睞，將於本月11日在其平台全球上架，而本地平台hmvod則從本月1日起逢星期五免費更新一集。最新一集找來張建聲友情客串，與何珮瑜重演1986年《流氓大亨》中萬梓良對住鄭裕玲大嗌「So what」經典一幕，張建聲說：「自己上YouTube睇咗好多次，反覆排練咗好多次，或者我同萬子哥（萬梓良）嘅戲路有少少相似，當時身形又較圓潤，所以出嚟效果自己都幾滿意。」戲中佢被前女友陳嘉莉掌摑，他笑說：「嗰巴堅堅哋！可能因為當時關係唔係幾好。」

另一場戲，雨僑在劇中嫌棄真實老闆蕭定一，雨僑笑言因為平日沒有機會罵他：「都知道老闆好玩得，佢一定冇所謂嘅，拍戲就係要做一啲平日做唔到嘅嘢吖嘛，佢唔會介意嘅！」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。