母女晒舞技!陳琪自嘲師奶對住花旦好自卑

20191109
東網電視
更多新聞短片
陳琪同二女一齊試跳笨豬舞。
藝人陳琪和二女到芭蕾舞學校試跳笨豬舞(Bungee dance),首次玩的她學得尚算似樣,期間又與囡囡玩「飛天鞦韆」及大擺「母女Pose」。受訪時問玩得辛不辛苦?她笑言來到才知要跳這種舞:「唔想喺你哋面前出醜,本身仲以為跳絲帶舞,冇諗過原來咁睇得起我,入嚟見到呢啲唔對路,但都幾得意,如果王君馨嚟跳就唔使排練,但搵我,可能師奶Market好大,佢哋話3個月可以減15磅,頭先我跳一跳都成身汗。」
冇運動細胞
問到她可還要減肥?她笑言:「女士年年月月都需要減,上星期去陳山聰婚禮,同成班『Crazy Runner』一齊坐,全部係當家花旦,我即刻好自卑,女嘅就身材好好,男嘅就靚仔有型,我就成個師奶仔,老公(胡諾言)話因為我唔做運動,叫我陪佢一齊跑步,我即刻靜咗。(咁你做咩唔跑?)唔通整個師奶跑步團?我都未諗到呢樣嘢。(平時會唔會做運動?)梗係冇啦,我全身有兩樣嘢係冇,一個運動細胞,一個飲酒細胞。」她又謂自己不會節食,那可以怎樣減肥?她笑言:「湊小朋友好攰,我成日話老公係大仔,同埋依家天氣要成日幫啲仔女同老公逐個冚被,所以做媽咪好辛苦。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。