遊船河撻落水 余安安斷兩條肋骨

2019年11月09日 16:30
東網電視
更多新聞短片
真係要小心啲。
藝人余安安與契仔凌文龍及鍾欣潼(阿嬌)現身電影《失蹤》首映,余安安透露早前因遊船河時撻落水而受傷:「右邊有兩條肋骨斷咗,有一條肋骨裂咗,依家已經過咗三星期,醫生話要八星期先可以復原,但我進度好好,因為我平時做開運動。初時瞓都瞓唔到,依家好啲,不過仲食緊止痛藥,唔可以做物理治療,要等佢自然好。(對日常生活有冇影響?)有啲動作做唔到,唔可以太大動作,要就住,着衫要工人姐姐幫手。(工作有冇影響?)冇影響,其他工作已經完成,不過我之前生日,有啲生日飯局都要取消,但之後會補番。(生日願望係身體健康?)每年都想。我都要提醒自己年紀唔細。我平時動作好快,依家都要慢落嚟,好似慢動作咁,似殭屍。」
凌文龍笑言對方以往太急,現在被迫慢下來也不錯,他閒時會買外賣給安安解饞,又怕對方呆在家中會苦悶,故買了玩具送她,安安大讚契仔乖巧,揚言由上契第一天已知沒有收錯契仔,凌文龍稱遊船河當日因有工作在身而不能同行,有他在場的話一定不會讓對方玩,就不會發生意外。
另外,安安講到跟阿嬌相隔十多年後再次合作,她稱感覺跟以前分別很大:「當年佢好細個,我啱啱離婚出嚟拍電影,壓力好大,遇到佢好sweet、好可愛,佢好嬌嫩,雖然同佢冇乜對手戲,但佢成日跟喺我身邊,十幾年後,覺得佢成熟咗好多,因為結咗婚,人生經驗多咗,演技好咗,喺戲套我同佢好多對手戲,佢大個女識得照顧我,拍戲時有啲好嘅化妝品就會送畀我。」問到阿嬌有否向她請教生兒育女問題?她坦言對方沒有問:「如果佢問都會傾,等佢搞掂嗰幾粒卵子先,依家科學好倡明。」
阿嬌因工作關係,活動後未有接受訪問,她在台上表示已準好當母親,不過認為生小孩子要講緣分,不能強求:「之前雪咗三粒卵子,想老公去配咗先,如果唔得再計劃,搞咗嗰三粒先,太可憐。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。