產女影響工作 賈曉晨唔添丁住:再生就失業

2019年11月09日 16:55
東網電視
更多新聞短片
在職媽媽唔易做!
藝人賈曉晨(JJ)現身電影首映,她坦言自從誕下女兒後雖工作減少,但每年也有幾套電影拍攝,還算OK,希望可多拍電影:「工作減少係因為時勢不停轉,而且好多時會用新人,我係舊人,加上我成日匿喺屋企湊女,所以少咗機會。不過依家接嘅角色類型唔同咗,比較Cool同成熟,以前只係做靚女、妹妹或者要性感,依家角色範疇大咗都好開心。」
順其自然 有咗就生
提到女兒快將兩歲生日,JJ稱不會大搞生日派對,只會帶女兒到動物園:「佢見到動物時開心到癲,聽到音樂不停唱歌同跳舞。(將來會唔會畀佢入行?)順其自然。(有冇人搵你母女檔上陣做嘢?)有,但佢太細控制唔到,等佢大少少先,之前帶佢影相已經攰到死,叫佢笑佢又喊,佢太活潑。(會唔會再生?)我生一個都少咗工作,再生就失業,暫時唔諗住,我鍾意拍戲,生BB順其自然,有咗就生。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。