不懂廣東話真締!蔣嘉瑩畀老公笑用錯助語詞

2019年11月09日 18:19
東網電視
更多新聞短片
蔣嘉瑩咁真係要反省吓喇!
歌手蔣嘉瑩、蘇慧恩和施匡翹到旺角一間涼茶舖派涼茶給有需要的人士,問到之前可有幫手賣嘢的經驗?蘇慧恩表示:「我喺澳洲讀書時有賣過珍珠奶茶,幾辛苦,因為嗰間嘢好多人幫襯,所以做到冇停過,隻手痹咗,但過程都幾enjoy。」蔣嘉瑩就表示哥哥開書店:「所以細個試過喺書展幫手,好好玩。」施匡翹就謂中學時試過幫手賣護膚品:「同學話我sell嘢一流,我同人講完啲人就會買。」問到誰口才最好?她們一致推舉蘇慧恩,她表示:「可能細個做過主持,口才都可以,不過當然唔及森美小儀咁叻,佢哋係我偶像。」
而蔣嘉瑩則表示羨慕,因回港定居的她未太適應講廣東話:「老公成日笑我用錯助語詞,倒轉晒啲意思。」三女又表示愛飲涼茶調理身體,其中施匡翹坦言手腳冰冷,要多飲涼茶,記者打趣她應該找個男友取暖,但她就被蘇慧恩取笑是尼姑,她解釋:「因為經理人話我10年唔可以拍拖,同埋我讀書時係讀女校,少識到男仔。」
--------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。