籌備婚禮冇交嗌!倪晨曦大爆未婚夫缺點

2019年11月09日 22:22
東網電視
更多新聞短片
倪晨曦明踩未婚夫做決定慢,但其實暗讚對方事事力求完美!
2006年曾參選華姐,之後成為模特兒和KOL的倪晨曦(Elva),早前出席巴黎時裝周期間,從事金融的男友Vincent神秘現身跪地求婚。她在2018年最後一天於社交網宣布訂婚,將於明年1月在夏威夷行禮,只邀請至親及小部分朋友約五十人出席,2月26日就會在港擺酒。
婚紗要着得舒服
因工作關係,Elva穿過無數次婚紗,問到婚禮會穿怎樣的婚紗?她說:「已經揀咗鍾意款,款式比較簡約,唔揀太性感,自己唔係呢個風格,着得舒服,希望喺最舒服嘅狀態進行婚禮。」雖然被驚喜求婚,但Elva爆Vincent卻不喜歡驚喜,她說:「佢唔鍾意Surprise,有次佢生日,搵咗間餐廳訂咗蛋糕同佢食餐飯,諗住試吓新嘢,點知佢話嚟過,蛋糕又唔係佢最鍾意嘅味道,佢寧願預先同佢討論,可能會仲開心!」
完美主義決定慢
籌備婚禮期間,準新人有商有量,Elva大讚未婚夫:「佢比我仲細心,會同我一齊討論,不斷提我Deadline,畀好多意見。(有冇試過忟?)冇,好慶幸,好多人同我講,籌備婚禮一個人話事最好,一齊就會嗌交,反而我哋兩個之間好有默契,因為鍾意嘅嘢差唔多。」她又力數未婚夫優點:「佢優點係好孝順,超錫父母。(缺點?)嫌佢好慢,做決定可唔可以唔好咁慢?佢係比較完美主義,自我要求高,想樣樣都做到最好。」問到Vincent喜歡她甚麼?她笑說:「我諗我係好人,可能覺得我好善良,同埋我係好開心嘅人,比較善忘,同我一齊所有時間都係開心。」
婚後唔做全職主婦
Elva相信婚姻是兩個相愛的人一起走,要懂得為對方犧牲,不應只求對方付出,問到準備好犧牲了?她笑說:「都會工作,但要畀多啲心思擺喺屋企。(你係工作狂,會羨慕妹妹做家庭主婦?)我同佢性格唔同,我鍾意試新嘢同挑戰自己,佢會覺得我要做好多嘢辛苦啲,但我條路自己好鍾意。(過一段時間想學妹妹做全職主婦?)唔會,我怕悶,我鍾意生活好busy,保持自己事業,家庭又兼顧到就最好啦!」
場地:如心海景酒店暨會議中心
婚紗:AOLISHA DORIAN HO
髮型化妝:Eas Fu@Admix;Janice Lam@Glowmakeupacademy
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。