彈江欣燕揸車騰雞 郭晉安淆底想緊急疏散

2019年11月09日 23:11
東網電視
更多新聞短片
欣欣話自己只係唔太熟架的士......
藝人郭晉安與江欣燕(欣欣)相隔廿多年後再合作拍劇,劇中演的士司機的欣欣自誇技術了得,考牌一Take過,安仔卻踢爆她表現騰雞,坐車心慌慌,又打趣指要疏散附近人士!
再結劇緣感興奮
安仔、欣欣、王君馨及何遠東前晚在沙田為無綫新劇《失憶24小時》拍外景,安仔、欣欣與何遠東飾演三兄妹,該場口講述安仔與欣欣四處尋找走失的何遠東。兩人自從1992年合作劇集《闖蕩江湖》後未有合作,亦沒見過面,欣欣回憶當年拍劇演野孩子,經常通山跑很辛苦,對於與安仔再度結劇緣大感興奮。
睇相催眠入戲
欣欣今次在新劇飾演的士司機,安仔笑言是第一次坐她的車:「我知佢識揸車,但我驚過佢,見佢揸的士好騰雞,前面又有啲攝影鏡頭擋住,我要叫呢區啲朋友快啲走!」欣欣卻自認駕車技術了得:「我18歲就考車牌,一次就合格,仲有貨Van牌!我只係唔太熟架的士,而且要邊揸車邊講對白做戲,不過前後有兩架車包抄,加上車速好慢,所以好安全。」雖然廿多年沒見,但欣欣直言跟安仔很快便培養出一家人的感覺:「佢個樣冇乜點變,本身又好親切。而且我有個習慣,開劇時一齊影合照,每日對住張相,催眠自己大家係一家人!」
王君馨家嘈屋閉
至於何遠東臉形突然變尖,他笑說:「未去到需要整容,我只係箍咗牙,所以塊面尖咗,加上箍牙太痛,食少咗嘢。(咁大個先箍牙?)係今年送畀自己嘅生日禮物,覺得拍戲時側臉唔靚,所以試吓箍牙。」而君馨劇中不時與演老公的譚俊彥有鬧交戲,她無奈說:「我經常飾演婚姻有問題嘅角色,其實我鍾意拍啲甜蜜愛情戲,好在現實同老公從來冇鬧交!」並透露早前跟丈夫到非洲進行教宣,又到西班牙旅行,收穫豐富。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。