三蟹化身大佬講數 陶大宇通宵拍嘢頂唔順

2019年11月10日 00:00
東網電視
更多新聞短片
三蟹再合作。
無綫經典劇《大時代》的「三蟹」邵仲衡(大佬孝)、陶大宇和郭政鴻於劇外重聚搵真銀,早前演出三國志手機遊戲廣告大受歡迎,遊戲官方再次邀三蟹,扮演三國鼎立陣營,拍攝全新一輯遊戲廣告。片中他們以過氣「江湖大佬」形象出現,在茶樓講數,情節搞笑,原來大佬們並非只顧講打講殺,而是最愛上線「打機」,三兄弟更緬懷話當年,大宇和大佬孝更笑言:「當年嘅豆腐火腩飯,依家就叫男人的浪漫呀!」
服裝夠頂癮
全片以懷舊風拍攝,三蟹的造型和場景,都屬6、70年代,其中以關刀領恤衫配白西裝的大宇最為搶鏡,而大佬孝則以穩陣派的皮褸型仔造型上陣,而政鴻的深色西裝最為沉實,但其頸上的粗金鍊就最「頂癮」!今次廣告取景場地,選了九龍城一間有60年歷史的潮州酒家拍攝,其大龍鳳和福䘵壽三星的主景,最能交代當年的江湖味。
大佬Look入晒血
講到過氣大佬造型,要數到大宇最近在ViuTV演出的《詭探前傳》中「鬼城」一角,其大佬形象入形入格,說話語氣殺氣重重,人見人驚。不過,今次再演「大佬」,大宇稱未及《詭探》辛苦,因為今次不用嗌破喉嚨,他說:「拍劇要集集鬧人,今次廣告就搞吓笑,扮吓嘢啫,不過今次要就間酒家,冇客先可以開工,所以要通宵時間拍攝,辛苦咗啲,好耐都冇試過通頂!」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。