自組團隊造歌　王漢勛最有成功感係拆彈？

歌手王漢勛（Dave）為跑步活動擔任主持一職，一向以跳舞及唱歌作主線發展的他坦言壓力不少：「心情好緊張，所以一早就去到活動地方熟悉吓場地同埋設施，因為今次得我一個主持，而且唔會有其他藝人嘉賓，所以我要兼顧嘅嘢比較多，現場有好多人參加，隨時會出現意想唔到嘅事，之前已經諗定有乜嘢突發情況嘅可能性，最後同大會夾得好好，成件事都好順利。」

Dave透露自組團隊製作嘅新歌完成進度已經進入大直路階段：「自己一個人跌跌撞撞咁完成咗整個過程，之後嘅時間就係要計劃宣傳派台等等嘅事，當中要面對嘅問題好多，現階段都可以一一解決，好似安全拆彈咁好有成功感！」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。