出埠拍戲勁興奮!邱芷微遊泰被呢樣嘢嚇怕

2019年11月10日 06:12
東網電視
更多新聞短片
咁塞車法,都咪話唔驚!
處境劇《愛.回家之開心速遞》中嘅「賈名媛」邱芷微(Chelffy)透露剛從泰國拍畢由李璨琛監製及主演嘅電影,並指好開心能夠有份參與演出:「始終我成日拍電視劇同廣告,好少有機會接觸電影圈,令人誤會我唔拍電影,好開心今次遇到一個好角色,加埋係第一次出國拍電影,真係好興奮!今次亦可以同好多前輩級演員合作,絕對係一個難忘嘅經驗 。」Chelffy又表示此行有趁機遊覽當地,直言塞車令她怕怕:「我哋演員收工之後,都會一齊去啲網紅打卡熱點影相,不過泰國成日塞車,明明短短15分鐘車程,都可以塞咗兩個鐘先到目的地。」
親力親為招生意
另外,Chelffy 又表示與友人合辦嘅兒童演藝學院依家試業中,好多嘢都會親力親為:「例如親自落區派傳單,仲有設計課程同招聘等工作處理。依家逢星期六、日都會搞開放日,吸引好多大人帶小朋友嚟參觀同試堂,見到啲小朋友玩得咁投入,我都覺得好開心。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。