生日爆老公送X頭 楊卓娜:證明我唔夠現實

2019年11月10日 11:16
東網電視
更多新聞短片
唔係磚頭而係…
今日42歲生日的楊卓娜昨日率先與女兒及妹妹楊怡到主題樂園玩慶祝,她在微博上載多張照片,留言:「容許我在僅餘的青春裏,重拾一點點的童真!Thanks for such a happy birthday!」當她見到氣球時非常興奮,又攬實女兒合照,非常溫馨!
而她今早為慈善跑擔任主禮嘉賓,她表示:「希望生日可以做啲有意義嘅事,呢幾年生日都有做慈善活動,係我嘅心願。」講到昨日她到主題樂園玩,她說:「佢哋去先,我拍埋劇就去搵佢哋。(今日會點慶祝?)會同屋企人食飯,又會行山,同埋做呢個慈善活動。(會感染埋小朋友一齊做?)係呀,佢都鍾意,不過因為尋晚太夜瞓,所以冇帶佢嚟。」
問到老公送了禮物未?她笑言:「有呀,送咗木頭畀我,類似檀木,可以做擺設或焚燒。(會唔會叫佢送磚頭好過送木頭?)哈哈,證明我唔夠現實,應該叫佢送金磚,或者黃金最穩陣,不過我鍾意藝術嘅嘢,都係少少心意,食餐飯、玩吓已經好開心。」而講到妹妹疑似有喜,她就謂:「如果佢有咗佢會同大家講,咁開心嘅事,相信佢唔會吝嗇分享,都希望快啲有好消息。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你