未走出驚恐症 馬浚偉:黑口黑面唔好怪我

2019年11月10日 15:15
東網電視
更多新聞短片
馬浚偉喺媽媽不敵癌魔離世後大受打擊,患上抑鬱症及驚恐症。
藝人馬浚偉出席微電影分享會,同場有抗癌歌手李明蔚。馬浚偉透露微電影以癌症為主題,自己飾演醫生,有一個患上肺癌的爸爸,而媽媽已因癌症去世,他表示自己這方面很有經驗:「因為有兩個有癌症嘅屋企人,好明白嗰種無助,所以演得特別投入,導演有場戲叫我喊,因為爸爸寫封信畀我,我睇兩嘢就喊到,因為現實中媽媽都有寫過啲字畀我,好觸動,所以同戲好似,戲如人生,只係現實中我唔係醫生,但感受係一樣。」
聽到電話就好驚
他又坦言當時不懂紓緩情緒,媽媽去世後很自責,更因而患上8年抑鬱症及驚恐症:「到依家都有,聽到電話就好驚,因為好多時醫院三更半夜打嚟,一聽到電話就會成個人責醒,所以依家我電話係靜音。(好番晒未?)醫生話我抑鬱症好番,但驚恐症未好番,到依家都仲會帶藥喺身,因為其實驚恐症可以導致暈,大家冇啦啦見到我口黑面黑面青青唔好怪我,一發作個心會亂跳。」
想唱歌畀大家聽
講到工作,他透露正籌備電影,之後又有舞台劇,而之前成立了busking組合「MTOM」,每月會到處busking,問到可擔心現時社會情況?他表示:「會睇住情況,揀安全時間,唔會引起混亂。我9月玩咗一次,希望12月初再玩,我唔係太擔心,我相信香港人係善良,會互助互愛,都係想唱歌畀大家聽。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。