40歲前娶何雁詩 鄭俊弘36歲生日話雪精子

2019年11月10日 15:53
東網電視
更多新聞短片
鄭俊弘希望40歲前結婚!
歌手鄭俊弘(Fred)今日36歲生日,歌迷會筵開20多席為他慶生,母親也有到場,而剛巧這天是鄭媽媽的農曆生日,所以Fred反為母親送上生日蛋糕又錫她臉頰祝賀。他稱這2天和女友何雁詩(Stephanie)、朋友、家人食飯慶祝。問到女友送了甚麼生日禮物?他高8度笑言:「冇喎!」原來女友生日時他都沒有送禮,他稱:「冇所謂啦,我都冇送畀佢。(佢送咗成個人畀你?)都係呀,我哋情人節都冇送禮物,冇所謂,我哋都鍾意簡單。」而Fred稱生日飯有親自下廚。問到Stephanie是女主人家身份?他笑謂:「係呀,佢負責招呼朋友,我負責煮,佢平時都有煮嘅,佢廚藝都犀利㗎。」
至於生日願望,Fred希望開心、健康和平安,做好自己的工作,拍多些廣告,明年亦會拍新劇。生日願望可包括人生大事?Fred笑說:「又唔會冇計劃,但就未知幾時,希望40歲前啦。(女友等唔等得,要唔要雪卵?)咁又唔使,佢仲好後生啫,可能雪我嗰啲(精子),不過我都後生,keep住做運動就可以。」
講到歌手得寵先獲公司開生日會?曾被公司雪藏的他表示:「年年都Keep住開冇斷過嘅,只係未必係正日搞。(證明公司錫你?)不嬲都錫我,我都好錫公司。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你