苑瓊丹喪啪安眠藥助眠:怕自己暴斃上頭條

2019年11月10日 18:09
東網電視
更多新聞短片
苑瓊丹出山擔任節目主持。
藝人苑瓊丹(苑仔)日前為香港開電視拍攝新節目《開工大吉77》,她以經典角色「龜婆」造型上陣,為節目打響頭炮,苑仔說:「第一日開工前一晚要食兩次安眠藥,因為我好耐都冇拍早班喇!擔心唔知醒,好早就食藥瞓覺,點知隻狗半夜嘈醒咗我,又食多次!冇耐又熱醒,我就唔敢再食喇!怕自己暴斃做咗頭條。」
不再爆料 免傷圈中人
苑仔表示近年中港兩邊走,靠電話控制期表:「依家科技先進,內地都可以Mark香港個期表,所以阻止唔到我努力工作㗎!今次為咗節目效果,仲要出埋私伙衫,因為龜婆造型太經典,人人都認得,只要觀眾睇得開心就冇所謂。」她表示應老友邀請出山做主持,所以一口應承拍攝,但為免傷害圈中好友,預告節目不會爆料:「又唔係完全唔爆,係唔講傷害性嘅嘢啦!因為以前講邊個邊個鹹豬手搞到滿城風雨,唔好喇!今次同大家分享片場小秘聞,將不為人知一面講比大家聽,等有心人知多少少,有興趣咪入行做我同事囉!」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。