有五個追求者 鄧佩儀:冇人鍾意!

2019年11月10日 22:12
東網電視
更多新聞短片
希望你快啲搵到真命天子啦!
藝員鄧佩儀和江嘉敏騷琴技為無綫台慶演出環節綵排,這天正是佩儀27歲生辰,講到11月10日不少人生日,佩儀表示:「係呀,我同鄭俊弘、蔣家旻都係同日生日,我哋好耐之前已發現呢件事,所以每年都互相祝大家生日快樂,上年有一齊開Party同食飯。」
問到如何慶生?她謂:「都冇乜特別都係玩吓、食吓、去吓主題公園咁。」但原來佩儀生日竟安排自己食快餐,她認真說:「因為我平時好養生,要Keep fit好少食炸嘢,又怕對皮膚唔好,所以生日先畀自己放縱下。(點解唔諗喺快餐店開個生日會?)我真係有諗過㗎,但我哋做呢行真係好難定到日子同人數,所以先冇諗。」
問到何時「脫單」,她坦言一直都有追求者:「係有人追嘅。(幾多人追你?)Under 5個啦,自從留長頭髮後係多人追咗,即係叫我唔好剪短髮,上年短頭髮時真係一個都冇,但始終未遇到一個自己好鍾意。(咁快講,即叫嗰五個唔使追?)咁唔啱,就唔好拖住人嘛。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。