仔女拒合唱！李龍基：佢哋志不在此

資深歌手李龍基、葉振棠和陳浩德將再合體開騷，陳浩德表示家人會來捧場，講到女兒都喜愛唱歌，今次可會上台一起唱？他說：「個女依家喺多倫多，今次時間唔啱，希望出年喺我開騷唱。（佢有唱開歌？）佢玩㗎啫，喺學校跳舞唱歌，之前喺演唱會佢有客串，最近佢去咗嗰邊幾年，夾唔到時間返嚟就冇玩，有時間就一齊唱吓。」李龍基就笑言仔女不肯與他唱歌：「唔肯呀，佢哋興趣志不在此，冇謂迫。（承傳唔到你嘅音樂才華？）冇乜所謂嘅，呢個世界每個方面都係行行出狀元，未必一定承繼父業先叫圓滿，但到時佢哋一定會嚟捧場。」

---------------

立即參加「賞您睇」：　https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。