林志玲婚宴神秘主持人曝光　竟然係佢！

「台灣第一名模」林志玲同日本天團EXILE成員AKIRA（黑澤良平）今日喺台南補辦婚禮，兩口子尋日為儀式進行綵排，而林志玲嘅婚紗Look亦提前曝光。據知婚禮儀式將於今日下午3點20分正式開始，會喺吳氏大宗祠以台灣古禮進行，林志玲喺該處進行傳統習俗「喝新娘茶」，AKIRA亦將在此掀起新娘嘅頭紗並交換戒指，賓客觀完禮就獲安排喺旁邊嘅日式甜點店用餐休息。

台南市政府封路

一對新人傍晚六點就會移師到台南市立美術館一館舉行婚宴同婚後派對，而台南市政府考慮到可能有人潮或車潮，已預計下午4點起擴大封路範圍。有指婚宴預計約晚上9點完結，其後再到晶英酒店舉行After Party，有傳一對新人揀咗酒店入面嘅戶外泳池區開P。

勞斯萊斯作婚車

為林志玲承辦婚宴的晶英酒店大門兩側已停放新人的千萬禮車，有指林志玲將以白色勞斯萊斯Phantom VI Landaulettes作婚車，該車全球只有3輛，市值約2500萬港元。而新郎AKIRA坐的賓利Flying Spur亦同樣氣派，不少民眾爭相與禮車合影。而酒店總經理透露婚宴食材融合台灣與日本的特色材料，為的是希望搭起台、日兩地的友誼橋樑，又強調婚宴菜式溫馨、小而美，不奢侈。

記者求證冇否認

至於外界一直好好奇林志玲搵邊個做婚宴主持人，事關出席嘅好友如蔡康永、小S、黃子佼等都係出名嘅主持人，不過據知林志玲唔想麻煩到公務繁忙嘅好友，最後林志玲就搵咗佢喺2003年於華岡藝校任教期間嘅主播學生饒祥以幫手。有台灣記者向饒祥以求證，佢未有否認，表示：「祝福志玲老師出嫁了！」並喺社交網代表班上同學發長文祝福老師：「謝謝那年你到陽明山，當我們的志玲老師，我們一起用最溫暖的祝福、謝謝這位一直給我們不同程度正能量全民姐姐！良平師丈，我們老師就交給您了。」

蔡康永主持奉茶儀式

不過有消息指，原來蔡康永會為好友主持婚禮儀式，佢回覆媒體時透露從來沒有主持過新娘奉茶等儀式，對於第一次就是為好友主持，充滿欣喜與期待，又向林志玲送上祝福：「在演藝工作的花團錦簇之後，願她好好享受兩人世界的親密幸福，如同映射星光的寧靜小湖。」

帶旺當地旅遊業

此外，唔少遊客都因林志玲喺台南市美術館一館舉行婚宴而慕名到場參觀，而附近嘅店舖都趁機湊熱鬧宣傳，整咗一對新人嘅Q版糖霜餅乾。據知台南市住宿幾乎爆滿，可見林志玲嘅婚禮帶旺埋當地旅遊業！

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。