爆大鑊累死人!苑瓊丹收口:依家爆啲開心嘅

20191119
東網電視
更多新聞短片
大家仲記唔記得「魔術鹹豬手」事件?
一身偵探造型的苑瓊丹,今日為開電視節目《開工大吉77》錄影,請來由藝人轉型做武術導演的羅天池擔任嘉賓。講到節目含爆料環節,曾揭「魔術鹹豬手」大秘的她,笑言:「依家係爆啲可接受、開心嘅,以前搞到人哋雞毛鴨血,嗰時都曾經講過唔再做呢啲爆料節目,但呢個就係得意、有趣啲。」續介紹節目除揭露藝人工作趣事外,亦會解構幕後工作人員的八卦趣聞,例如茶水阿姐、燈光師、導演、收音師及攝影師等:「令到娛樂圈唔再神秘,可能遲啲會訪問埋記者,第一句就問幾錢人工。」
苑瓊丹指節目暫定26集,不過就沒有邀請好友做嘉賓。提及她早前自爆因太緊張而要食安眠藥進睡,她打趣笑話:「尋晚都想食!好耐冇開早,我哋又會走唔同地方拍嘢,驚會冇精神,今次想近距離有貼地互動,所以冇叫Set稿,所有嘢都係即時發揮、即時記,都有啲壓力。(老公冇詐型唔陪佢?)佢都成日唔喺香港,我哋感情昇華到一個階段,見唔到都等於見到。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你