入行令戀情告終!陳凱彤作失戀曲憑歌寄意

20191119
東網電視
更多新聞短片
全部都係親身經歷!
歌手陳凱彤(Lillian)去年完約離開英皇,轉投新公司,繼推出兩首國語歌後,現連續推出廣東新歌《不掃不快》及《冷處理》,本月尾亦將舉行小型音樂會,她坦言很感恩:「入嚟前有年幾冇出過歌,都有問過自己喺呢行仲有冇機會。」她坦言新公司給她很大自由度,但一度有壓力:「可能以前備受保護得太好,令我一出嚟有少少驚,未試過一個人manage晒MV想點,但變相都畀咗動力我,學識咗好多嘢。」她透露準備拍《冷》MV時很大壓力,臨飛去拍MV前更左右眼輪流生眼瘡,令她十分擔心:「因為要諗MV點拍、整頭化妝又要自己嚟,所有嘢都要好上心,好彩最後完成拍攝。」
3年前失戀寫下
她透露《冷》是自己作曲,在3年前失戀時寫:「講一段關係已經你又唔理我又唔理,但大家仍然喺埋一齊,距離好遠。」她坦言是親身經歷,對方是圈外人,可能因自己當時入了行:「我畀唔到安全感佢,感情又淡咗,大家唔理對方,所以就分開。(拖拉咗幾耐?)其實係幾個星期嘅事,因為我飛咗去做嘢,好少搵佢,到返嚟時就散咗,之後都冇再搵過對方,佢同我散咗一年之後就結婚。」談到感情生活,現年26歲的她大呻好dry,問到恨不恨拍拖?她坦言:「有機會嘅話可以試,但依家都想專心做嘢先,啱啱轉咗新公司好多嘢都要上心啲。(屋企人會唔會催你?)有一次同屋企人傾,我話『唉,我都係唔拍拖啦...』爸爸即刻話『唔得,呢個係終生嘅事,唔可以唔諗。』不過都係順其自然啦。」
最高峰勁減80磅
談到身為肥妹仔的她入行後一直努力減肥,她表示比高峰期時已輕了很多:「一開頭入行係減咗80磅,但中間有反彈,之後再慢慢減,要keep住減,因為係終生事業。」但她坦言臨拍《冷》MV前減到差點走火入魔,每日都是起身、跑步、練歌,只食包及飲奶,問到現時可會不再迫自己減肥?她坦言:「我覺得最緊要係個人嘅精神,如果咁harsh去減,對做嘢都有影響,所有嘢都唔好迫自己,前排就係迫自己太犀利,所以令情緒好波動。(滿意依家嘅身形?)未滿意㗎,哈哈,但慢慢減。」
場地提供:五勺
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。