張晉幫蔡少芬拍生仔Vlog 產前產後全直擊

2019年11月22日 13:06
東網電視
更多新聞短片
第時睇番段片,一定好感動!
現年46歲嘅蔡少芬(Ada)上周五(15日)成功誕下第三胎,仲孖實老公同三仔女晒全家福,幸福程度爆晒燈,原來當時老公張晉有為太太生仔vlog,記錄Ada到醫院待產到產後出院全過程,仲將片段放上微博,同大家分享又做老竇嘅心情,並發文:「又一次見證母親對孩子偉大的愛。」而好友陳法蓉亦有轉發,更表示有部分鏡頭係佢做攝影師添~
Vlog一開始就影住Ada到醫院待產時先沖個靚涼,張晉貼心為Ada吹頭髮,而素顏上陣嘅Ada就直言緊張,不過見佢狀態極好,仲搞笑地摑咗有份現場見證嘅陳法蓉一巴,氣氛輕鬆。Ada就講到佢自己三個BB都係提前出世,囝囝張樂兒本來係19號出世,但因為15日就宮縮只好即刻去醫院,瞓上產床上嘅佢亦笑稱今次係最後一胎,唔會再生喇。
Ada入到產房後,產房外嘅張晉一路等,點知一轉頭,Vlog就見到張樂兒出世,張晉仲親手剪臍帶,而產後嘅Ada依然精神十足,仲好Care自己生完之後塊面都爆晒瘡。之後返到病房,Ada又表示覺得今次生產好開心,唔使半個鐘就結束,猛讚自己年輕,而張晉則感嘆媽媽真偉大,每次見證一個生命嘅到來,感覺都非常奇妙,最後就見到佢哋兩個女都去到醫院探媽咪同弟弟,溫馨滿載。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。