陳凱彤做義工學到嘢：關心多啲屋企人

歌手陳凱彤（Lillian）雖然近日忙於宣傳新歌，但仍抽時間同一班朋友做義工，探訪住喺偏遠地區嘅老人家，她說：「之前我有去社區中心探訪老人家，但未試過實地去探訪獨居老人，嗰日去咗打鼓嶺，地理位置其實都幾偏僻，所以啲老人家平時去買嘢都要行一條好長嘅路先可以搭車，都幾唔方便。我哋預備咗啲福袋畀佢哋，最深刻係有個男仔同嫲嫲一齊住，嫲嫲係其中一位義工，佢負責帶我哋入去，而佢兩嫲孫返咗屋企時，個男仔即刻對嫲嫲噓寒問暖，好細心。」

Lillian話面對呢個咁溫馨嘅場面，令佢反思要關心多啲屋企人：「我都諗起我屋企人都愈嚟愈老，我都要負起責任照顧同關心佢哋多啲。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。