窮到燶!J.Arie暢毫子搭小巴扮畀晒車費

20191128
東網電視
更多新聞短片
人窮志不窮!
歌手J.Arie到電台宣傳新片,小肥透露歌曲與電影相呼應:「講到人去到低谷,只要堅持就搵到出路。」問到兩人可有遇過低谷?小肥坦言新人後一、兩年遇過:「當時事業同愛情都有低谷,事業就仲可以樂觀面對,但我在乎愛情多啲,當時仲試過閃過一絲輕生嘅念頭,但其實自己冇勇氣咁做,之後靠住朋友就成功解決問題。」
J.Arie就坦言兩、三年前遇過低谷:「戶口得番20幾蚊,要叫人過80蚊畀我先撳到錢出嚟,然後嗰100蚊可以用兩、三日,又試過偷雞暢晒一毫子搭小巴,等人哋唔覺,真係窮到燶。」她又謂當時試過「秘撈」賺外快:「記得有一年倒數冇騷做,於是我就去個得外國人嘅場唱歌,我戴晒帽同眼鏡,以為冇人認得我,點知都有香港人認得我把聲,我叫佢唔好講出去。」她坦言因為新人一、兩年後很難捱,家人都有叫她放棄,再去讀法律進修,但現時做了六、七年已經沒有再「哦」她:「佢哋見我開心番好多,因為自己都諗通咗,做咗好多音樂方面嘅嘢,除咗寫歌畀自己,我都寫歌畀人,都會做電影配樂。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。