江美儀服務TVB十年:希望做到90歲

20191128
東網電視
更多新聞短片
江美儀不經不覺已經服務TVB十年。
藝人江美儀與秦煌出席TVB頒發長期服務獎,不經不覺已服務了十年的她,對領十年金牌,她說:「眨吓眼就咁快10年,我喺亞視都冇攞過,原來喺兩間機構每邊都做咗成十年,加埋喺呢行都做咗成22年。(有啲感觸?)冇呀!幾好呀!可以喺公司做咁耐係一個獎勵,個金牌會好好保存,放喺我個獎(萬千星輝頒獎典禮最佳女配角獎)隔籬。(放喺保險箱?)唔使,睇怕唔係好大。」她謂希望自己演藝生涯有40年:「睇相佬話我可以做到80、90歲。」
71歲的秦煌獲頒TVB 40年長期服務獎,近日晚上正重播他有份主演的《卡拉屋企》,而他曾四次飾演老頑童周伯通,最深入民心,對於獲長期服務獎,他說:「時光過得太快,最大成就就係可以做到40年,會不停做,唔退休,退休好悶嘅。」