見過家長又如何！余思霆唔一定嫁硬朱敏瀚

前華姐冠軍余思霆在電視城為《善心滿東華2019》表演項目「單車疊羅漢」排練，大呻很難：「最難係一個人踩單輪，最難練，so far得兩個人ok，我想征服佢，仲有幾日時間。（有冇受傷？）隻腳瘀晒。」問到她識溜冰可對此有幫助？她表示：「都有幫助，平衡力會好啲，所以練之前都有啲信心，但上輪後就發覺原來唔係咁。」

她又透露早前返台灣探親：「祖父母依家日日都要去醫院，所以我有時間就番去幾日陪佢哋。（男友朱敏瀚有冇一齊去？）冇呀，佢要做嘢。」問到台灣家人可想見他？她笑言：「冇喎，佢哋想見我多啲，不過之前媽咪嚟香港，佢哋見過面。（媽咪對佢有咩評價？）叫我哋做好朋友先，唔會催我哋結婚，媽咪仲講過如果我嫁唔出，佢會養我，可能因為我細個爹哋媽咪就離婚，佢唔想我同佢一樣。」