见过家长又如何！余思霆唔一定嫁硬朱敏瀚

前华姐冠军余思霆在电视城为《善心满东华2019》表演项目“单车叠罗汉”排练，大呻很难：“最难系一个人踩单轮，最难练，so far得两个人ok，我想征服佢，仲有几日时间。（有冇受伤？）只脚瘀晒。”问到她识熘冰可对此有帮助？她表示：“都有帮助，平衡力会好啲，所以练之前都有啲信心，但上轮后就发觉原来唔系咁。”

她又透露早前返台湾探亲：“祖父母依家日日都要去医院，所以我有时间就番去几日陪佢哋。（男友朱敏瀚有冇一齐去？）冇呀，佢要做嘢。”问到台湾家人可想见他？她笑言：“冇喎，佢哋想见我多啲，不过之前妈咪嚟香港，佢哋见过面。（妈咪对佢有咩评价？）叫我哋做好朋友先，唔会催我哋结婚，妈咪仲讲过如果我嫁唔出，佢会养我，可能因为我细个爹哋妈咪就离婚，佢唔想我同佢一样。”