《爸爸去哪兒》爆紅！張亮突然宣布離婚2年

大陸男模張亮突然宣布與老婆寇靜兩年前已離婚，結束長達14年感情，兩人育有一子一女。佢喺微博發文：「本不想佔用公共信息資源，但還是要通知下近況，我與寇靜於2017年已辦理離婚手續 ，只是家庭內部意見，孩子也一直一起撫養，希望大家不要過於猜測！」

不過佢今年8月先喺節目中回憶當年向女方求婚嘅誓詞，所以令網民非常震驚。另外，也有網友表示10月28日曾偶遇張亮與一名身材高挑的女子一起挑選珠寶，仲十指緊扣，當時只以為女方係寇靜。如今網友都猜測男方應該有新戀情，但對此張亮並冇回應。

男模出身嘅張亮入行前係大廚，係首位登上米蘭時裝周嘅中國模特兒。2013年，張亮帶同仔仔天天參與大陸節目《爸爸去哪兒》而人氣急升，更獲封做「中國好爸爸」、「全能大男神」。