鄭錦昌病逝　譚炳文嘆可惜：77歲好後生

資深演員譚炳文對老友鄭錦昌病逝，直言非常可惜，炳哥回覆東網感慨說：「頭先我睇醫生，啱啱就有朋友通知我鄭錦昌過世，我覺得好可惜，佢77歲都好後生啫，我都八十幾啦，不過病就冇辦法，我知佢個腎有事。」

大讚歌喉有風格

譚炳文大讚鄭錦昌好好氣，唱歌又好，對方亦翻唱了不少自己的歌，他說：「佢好有自己風格，我同佢都好熟，以前我去吉隆坡登台，佢成日招呼我，早年佢喺香港開演唱會，我哋都有同台合唱過，之後佢都嚟過香港兩次，我都有搵佢敍舊，仲記得同佢去鯉魚門食海鮮，當時佢都好瘦，不過精神就唔錯。」