「星星」相識　楊紫瓊新片喜遇愛瑪湯遜

楊紫瓊（Michelle）去年主演的荷里活片《我的超豪男友》（Crazy Rich Asians）大受歡迎，今年她與《我》的亞裔男星Henry Golding再在愛情喜劇《舊年聖誕好戀嚟》（Last Christmas）中再度合作。同片還有「龍母」艾美莉克拉克（Emila Clarke）與好戲之人英國著名女星愛瑪湯遜（Emma Thompson）。

原來Michelle係愛瑪的fans，她表示自90年代李安的《理智與感情》（Sense and Sensibility）時已好欣賞愛瑪，而今次更可以與偶像在新片中合作，絕對係難能可貴！不過Michelle卻因此而增加壓力！她說：「簡直係嚇破膽。有個咁出色嘅人睇實你每一舉動！你會好唔想。我記得首次同佢見面時我哋無所不談，我問佢會唔會每日都會出現，佢就回答：『親愛的，我係呢套戲監製。當然我會每日喺度。』但其實佢係最佳嘅人選睇住，因為佢對所有角色都好熟悉。」