李明蔚血色素低入院輸血　謝安琪送祝福

抗癌歌手李明蔚早前入院接受手術後，雖然已經出院休息，不過都要時刻留意情況。明蔚日前就講過食嘅藥有副作用，驗咗血仲發現白血球偏低同貧血，所以要停藥再打咗「白血球生長激素」。今日佢再喺網上晒出一張隻手插住針嘅相，透露因為血色素低所以要入院輸血：「今日再次驗血，血色素低所以現在入院輸血，捐血真的幫助很多有需要的人，謝謝你們！想不起，在醫院渡過了多少個晚上！加油！」而謝安琪亦有留言「保重啊明蔚」，仲有好多網民為佢打氣！