胡說八道會再推靚相　泳衣加身互影鬥索

藝人姚子羚近日同「胡說八道會」好姊妹胡杏兒、胡定欣、胡蓓蔚同李施嬅去馬爾代夫旅行，難得嚟到集合陽光與海灘嘅度假勝地，當然唔少得同陽光玩遊戲，佢哋全部人仲換上泳衣，喺泳池中享受漂浮High tea，見到每個人手上都拎住個椰青，認真識歎！

佢哋成班女旅行當然要互相幫對方影相，姚子羚尋日喺社交網晒出姊妹幫佢影嘅靚相，相中見佢着上白色露肩連身裙，企喺樹下大擺甫士，女人味十足。