靠陈炜克服食田鸡！王梓轩：望住佢乜都甜

艺人陈炜与王梓轩接受电台访问，大谈合作无綫新剧《多功能老婆》点滴，同声指二人首场邂逅戏共拍摄了一个月，陈炜表示：“第一次拍完觉得唔够Shot要补拍，第二、三次落雨，到第四次先拍到，不过事前都排咗好多次。”<br/><br/>少少锺意咗佢<br/><br/>谈到二人将于剧中谈情，期间陈炜更要带梓轩食田鸡，惟现实中的他却相当抗拒，梓轩说：“真系恐怖，炜哥不嬲识食同煮，但场戏真系惊惊地，我仲要食到津津有味咁。（点说服自己食？）望住炜哥就乜都甜啦！（你现实中会唔会锺意咗佢？）少少啦！但要勒住，唔小心会堕进咗，到时医生（陈炜男友）会嚟搵我。”<br/><br/>医生男友唔担心<br/><br/>谈到剧中也有咀戏，陈炜坦承没有阻止医生男友观看，更说：“梓轩都见过我男友，佢仲叫我男友放心，手仔都冇点掂过，男友都赞梓轩系好男仔，又斯文。（男友对你有信心？）冇乜嘢呀，平时都好多亲热戏。”梓轩闻言笑说：“佢一见我就觉得唔担心，觉得女友点会锺意我呢类型嘅男仔呢！”