女友陪踩單車操體能 吳浩康寫冧歌回贈

20191203
東網電視
更多新聞短片
有女友陪,操都操得開心啲。
歌手吳浩康(Deep)出席電台訪問,講到月底在麥花臣場館開騷,可有想過因社會狀況不穩取消?Deep坦言一度有取消念頭:「個演唱會叫2019+1,因由年頭已經話有紅館就開紅館,冇紅館其他場都要做,成個團隊都好期待做呢個騷,亦感恩最後有場地完成這樣心願。」雖然現在仍未知到時開騷社會狀況如何,但Deep說:「只能專心準備,當正常一切去做,照練歌練體能,為加強做帶氧運動,兩個月前學踩山地單車,由上水天平山踩2個鐘,之後再踩45分鐘去火炭。」
單車不時生意外,有否做足安全裝備?Deep表示以全副武裝上陣免受傷,並笑說:「咁大個人,如果話畀人聽炒單車都好低能啫!」問到女友崔碧珈是否陪踩?Deep坦言已成功荼毒女友一齊踩單車,更送了一架單車給她作鼓勵,加上女友有做開運動都跟得上。至於新歌《愛沒懷疑》是否向女友派定心丸?他說:「唔關事,係我出道初期曾錄過呢啲開心情歌,但效果唔好冇出到,但我又覺得唔應該避開呢類型唔唱,但今次寫到呢首唱又唱得到,都要多得佢嘅,因為我寫呢首歌佢都喺度。」