釋放黃心穎?《丫鬟大聯盟》一刀不剪月底播

2019年12月03日 17:46
東網電視
更多新聞短片
黃心穎又嚟喇!
藝人黃心穎自四月被揭偷食人夫許志安後形象插水,被全港網民鬧爆,她亦避走美國打算重新出發,而她之前拍下的劇集一直被指播出無期,但最近開始獲無綫放生逐一解封,早前主演的《牛下女高音》更成為台慶劇,兼且反應不俗!她另一套「倉底貨」、與洪永城及湯洛雯等主演的《丫鬟大聯盟》被安排月中在馬來西亞播放,據知將於12月30日在港播出,更一刀不剪,接《多功能老婆》檔期播出。
與心穎有大量對手戲的湯洛雯,得知《丫》劇獲「放生」大感興奮,她說:「都好開心,因為台前幕後都好畀心機拍,同埋好耐冇睇過自己演古裝,想睇吓出嚟效果係點。(唔使刪剪?)本身都係得15集,雖然依家拍緊新劇《失憶24小時》,但到時我應該得閒嘅,會幫手宣傳㗎!」
而洪永城說:「同事都期待好耐,希望呢段時間可以透過呢部劇,提供多啲歡樂畀大家啦!」