神還原舊作　栢芝笑Quintus演技差

藝人張栢芝近年活躍於社交網，不時喺網上大晒同囝囝嘅親子樂，之前就曾因為一段與二仔Quintus着浴泡行Catwalk嘅自拍片段，而成為網民熱話。呢日佢就同囝囝再次重新演繹呢段Catwalk片，片中佢哋先用浴袍包到實，之後一打開原來入面着好晒衫，而Quintus就興奮拉高上衣，仲拍一拍自己嘅小肚腩，完全神還原「舊作」，不過栢芝就似乎唔多收貨，留言笑指囝囝演技差：「笑死我了，佢自己要求要重拍一條一模一樣但自己又演得差。」