馮盈盈是非精殺入小學　驚變兒童不宜

無綫節目《學是學非》早前開拍新一輯除了舊有的麥美恩、馮盈盈、張寶兒等主持外，「是非精」增加三位戴祖儀、陳詩欣、何泳芍，變成九位主持。

已做了三輯主持的馮盈盈表示見證了很多新朋友加入，現在有九位主持笑言可挑戰韓國少女時代的級別，她笑說：「或者可以參考外國選秀節目，組成TVB 48，按表現加人或者篩人。（怕唔怕被篩走？）唔怕，有競爭先有進步，大家平時見到我哋好似玩咁，其實好認真。」馮盈盈透露新一輯節目被安排了新角色和崗位跟小學生玩，她笑說：「可能做開《#後生仔傾吓偈》，小學聽完唔識笑，淨係得老師笑，變咗真係『兒童不宜』。」

講到麥明詩與無綫轉合約形式，重投法律界發展，馮盈盈說：「支持，有新嘗試係好事，知道佢鍾意不斷挑戰，佢有呢個決定唔會意外。（麥明詩畀你爬頭，意興闌珊？）唔係，我哋係好拍檔、好姊妹，麥明詩係一個有獨立主見嘅女性，唔會受外圍因素或其他人影響，所以絕對唔關我事，我亦都衷心祝福佢。」