加入「是非精」 戴祖儀被嘈到失聲唔見Job

2019年12月03日 19:41
東網電視
更多新聞短片
陳詩欣(左起)、戴祖儀及何泳芍新加入做「是非精」。
藝員戴祖儀、陳詩欣、何泳芍加入新一輯無綫節目《學是學非》成為新一代「是非精」。戴祖儀被問能否嘈吵個一班師姐?她笑說:「同佢哋出完台灣trip我已經聲都冇埋,失咗聲連唱歌都要咪嘴,老闆本來安排咗我上節目都要取消。因為失咗聲其他商演都冇幫我接。不過,呢個係磨練嚟,相信每一個成功嘅歌手都會經歷過失聲,早啲失聲希望能夠早啲成功,哈哈。」何詠芍笑說:「等你練好啲丹田氣,總有一日可以蓋過麥美恩同馮盈盈把聲。」
陳詩欣指拍攝節目很快與一班師姐相熟,感情很快已經昇華到變成好姊妹,她笑說:「最friend就係戴祖儀,因為依家大家都單身可以傾吓心事。」何泳芍指一班女仔聚在一起自然地會發生不少烏龍與失魂事。