頭浸入水 黃妍拍MV驚到要窒息

2019年12月03日 22:00
東網電視
更多新聞短片
黃妍拍MV時要將頭浸入水中,佢驚到差啲窒息。
黃妍(Cath)日前為新歌《刮骨》拍MV,她說:「有一幕要我浸喺水入面幾個鐘,因為我細個試過浸親,所以一直都好驚水,拍嗰日我都好猶豫,因為真係要浸個頭落水度,我其實NG咗幾次,又問咗幾次係咪真係要浸,我真係好驚,驚到好似要窒息咁,到最後真係做到,都算係一種『刮骨療傷』,真係有所成長。」
Cath拍完MV後病了好幾天,她說:「其實導演佢哋一路都有保持住個水溫,明明熄晒冷氣,我都仲係覺得好凍,收咗工我仲要趕去排《無法成長的我們》,但嗰陣我已經病咗,個人wing wing哋,唔知自己做緊咩,病咗幾日。事後我先知阿Phil(林奕匡)同一晚都有拍佢首新歌《黑方格》嘅MV,佢都要捱凍搽黑油上身,但佢拍完好健康,我就病咗,同佢傾完得出嘅結論係我做運動太少,身體太差。」
Cath更笑說:「呢首歌無論係錄製定係個MV,都係用生命去做,因為錄製嘅時候撞正生理期,肚痛得好厲害,拍完MV我就病咗幾日。」經過今次,令她下定決心,要多做運動,希望能令自己身體變得健康一點。