陳瀅獻出第一次 自爆撇「老公」約佢睇戲

2019年12月03日 22:30
東網電視
更多新聞短片
陳瀅獻出第一次。
藝人陳瀅為卡通片獻出「第一次」配音,聲演一穿上紅鞋就會變得又高又瘦的肥公主,她自嘲是不二之人選︰「開頭收到預告片仲以為想搵我做巫婆,因為自己唔係行開公主路線,但一知道係肥公主就覺得好適合。(有Chok聲?)都冇,用番自己正常把聲,所以導演都有讚我配肥公主係配得特別好。」再介紹故事講述公主會遇上多位燕瘦環肥的王子,然後找到最愛,從而表達凡事都不要只看外表︰「我擇偶都唔睇外貌,心地好係最重要,有時都會遇到好多大隻男、靚仔,但佢哋一開口講嘢就會穿晒煲,所以真係睇內心。」
角色於戲中有大量尖叫場面,令不習慣以誇張方式演繹的陳瀅非常頭痕︰「平時講嘢、做戲把聲都好平穩,冇乜大起大落,所以都試咗好多方法去嗌,同本身演戲有好大分別,總算挑戰到自己,學咗好多嘢。(係咁嗌有聲沙?)又冇,都配得好順利,當初話要配兩日時間,仲好招積咁話3個鐘乜都得,但第一日用咗6個鐘都未完成,花咗多時間喺夾番嘴形同速度,而配嗰陣都有發生技術性問題,原來喺耳機會聽到自己把聲,但我第二日先聽到。」有自備配音法寶?她表示有帶備熱水、着舒服衫同除鞋,務求在最舒適的狀態下配音,又指下次想挑戰配奸角︰「今次配巫婆係陳淑蘭,佢配先過我,所以我係聽住佢配,覺得佢配得真係好奸,令個角色好出,下次再有幾會想配需要Chok聲。」
新戲於聖誕佳節上映,問到可會約緋聞男友陳家樂或「老公」Howie一齊睇?她自爆的而且確會約男伴︰「約方力申,因為佢係第一個話想睇,哈哈!」至於聖誕節她透露會於工作中度過︰「一直都開緊戲,對手係歐陽震華同馬德鐘,跟住前輩學到好多嘢、氣氛又好好。」剛生日踏入3字頭的她,指目標是做一個更好的演員,會考慮完成手頭上的拍攝後去進修戲劇,有機會都想向音樂進發︰「不過自己比較被動,唔識得去爭取。(自資出歌?)要好大勇氣,或者會開吓監製有冇片頭、片尾、插曲唱吓先,唔得先考慮。」
化妝︰Vanessa Wong
髮型︰Larry ho@Aveda ilcolpo
服裝︰Cocktail